Alexandros Zervos prezanton punën e Tribunalit Penal Ndërkombëtar për ish-Jugosllavinë për studentët dhe për profesorët e Universitetit Veror Ndërkombëtar
Zëvendësshefi i Kabinetit në Zyrën e Presidentit të Tribunalit Penal Ndërkombëtar për ish-Jugosllavinë (ICTY), Alexandros Zervos, do të na nderojë me praninë e tij për të përshëndetur iniciativën e Universitetit të Prishtinës për mbajtjen e Universitetit Veror Ndërkombëtar. Z. Zervos do ta hapë sot prezantimin e tij me historinë e ICTY-së, duke folur për krijimin e Tribunalit, për organizimin, për juridiksionin, për strukturën dhe për punën e tij.
Gjatë ditës së nesërme, tema e cila do të mbahet nga z. Alexandros është “Genocidi, krimet kundër njerëzimit dhe shkeljet e ligjeve dhe rregullave të luftës”, e cila është menduar të mbahet për një audience të limituar studentësh dhe profesorësh që e studiojnë ligjin.
Leksionet e z. Zervos do të mbahen në sallën 201 të Fakultetit Filozofik.